Tre persona janë proceduar në gjendje të lirë pasi akuzohen për “Pushtim të Tokës” në Dhërmi.
Burimet zyrtarë bëjnë me dije se një 45-vjeçar është kapur në flagrancë duke zënë hapësirën publike në vendin e quajtur “Havana e re”, në Dhërmi. I identifikuar me inicialet A.K, 45-vjeçari u konstatua duke vendosur një skelë hekuri, pa lejen e organeve përkatëse.
A.B., 44 vjeç u konstatua duke zënë hapësirën publike në vendin e quajtur “Perivoll”, Dhërmi, duke vendosur një strukturë prej druri, pa lejen e organeve përkatëse.
Ndërkohë E.K., 43 vjeç, u konstatua duke zënë hapësirën publike (trotuar), në shëtitoren e fshatit Dhërmi.
Materialet i kaluan Prokurorisë së Rrethit Gjyqësor Vlorë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
