Autoritetet turke kanë dërguar në vendin tonë katër grupe efektivësh, për kapen e bosit të kriptmonedhave, Faruk Fatih Ozer. Por misioni i tyre nuk u realizua, duke u kthyer duarbosh në Turqi. Lajmi është bërë i ditur nga media turke “Haber Global”, ku shkruhet se tashmë i mbetet në dorë policisë shqiptare për të vijuar operacionet për prangosjen e 27-vjeçarit.
Sipas tyre, kërkimet janë përqëndruar në Tiranë ku besohet se qëndron i fshehur Ozer. Në shtypin turk thuhet gjithashtu se mashtruesi me bursën e kriptovalutës ndryshon vazhdimisht vendndodhje në kryeqytet ndërsa dyshohet se mund të ketë marrë edhe një pasaportë të re false.
Uniformat blu janë vënë në ndjekje edhe të Edivaldo Haxhiu, i cili priti 27-vjeçarin turk në aeroportin e Rinasit dhe e ndihmoi që të strehohej në zona të ndryshme të Tiranës. Haxhiu konsiderohet një nga personat kyç që do të ndihmojë në gjetjen e Ozer. Nëse bëhet e mundur prangosja e tij, 27-vjeçari nuk do të përballet me drejtësinë shqiptare por do të ekstradohet menjëherë për në Turqi ku kërkohet që prej datës 20 Prill. Faruk Fatih Ozer akuzohet për mashtrim me 2 miliardë dollarë në bursën Thodez që ai kishte krijuar dhe ku kishin investuar rreth 400 mijë persona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
