Rusia tha të hënën se po vendoste ndalime të hyrjes për 100 shtetas kanadezë, përfshirë aktorin amerikano-kanadez Jim Carrey, në përgjigje të sanksioneve të Kanadasë ndaj Moskës.
Ministria e Jashtme ruse tha në një deklaratë se ka shtuar më shumë kanadezë në "listën e zezë", e cila përmban qindra zyrtarë perëndimorë dhe individë të shquar.
“Në përgjigje ndaj praktikës së vazhdueshme të kryeministrit Justin Trudeau për vendosjen e sanksioneve kundër udhëheqjes ruse, politikanëve dhe parlamentarëve, përfaqësuesve të biznesit, ekspertëve dhe gazetarëve, figurave kulturore, si dhe kujtdo që autoritetet kanadeze ‘rusofobike’ e konsiderojnë të kundërshtueshëm, hyrja është e mbyllur për 100 qytetarë të Kanadasë në bazë të reciprocitetit”, thuhet në deklaratë.
Moska në mars shtoi kryeministrin kanadez Justin Trudeau në ndalimin e udhëtimit.
Ndërkohë më herët të hënën, administrata Biden lëshoi sanksione të reja që synojnë industrinë ushtarake të Rusisë, si dhe rrjetet që mbështesin dy oligarkë rusë të sanksionuar ndërsa lufta e Kremlinit kundër Ukrainës vazhdon.
Departamenti Amerikan i Thesarit dhe i Shtetit vendosën sanksione ndaj “një rrjeti transnacional që prokuron teknologjinë që mbështet kompleksin ushtarak-industrial rus, kjo prek 14 persona, 28 subjekte dhe tetë avionë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
