Një ngjarje e rëndë është regjistruar në Tepelenë, ku një grua humbi jetën së bashku me foshnjën 8 muajshe pasi shtëpia e tyre u përfshi nga flakët. Gruaja 32-vjeçare sapo është ngritur nga gjumi me të voglin e saj, ka ndezur llampën më pas banesa është përfshirë nga flakët. Dyshohet që shkak për zjarrin të jetë bërë prania e gazit në dhomë.
Gruaja jetonte së bashku me të shoqin dhe dy fëmijët. Fatmirësisht, i shoqi dhe djali 5-vjeçar i kanë shpëtuar tragjedisë, pasi nuk ndodheshin në shtëpi.
Ata kishin shkuar në një koncert të organizuar nga bashkia me rastin e festave të fundvitit.
Menjëherë pas ngjarjes, bashkia e anuloi koncertin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
