Kreu i Komisionit Shtetëror të Zgjedhjeve, Ilirjan Celibashi iu ka bërë thirrje KZAZ-ve në mbarë vendin, që të fillojnë procesin e numërimit për kandidatët për deputetë, nesër në orën 9:00.
Në një deklaratë për mediat, Celibashi nënvizoi se në KZAZ-të që ka filluar tashmë numërimi për kandidatët, do të vijojë këtë të martë deri në orën 24:00.
“Komisioneri Shtetëror i Zgjedhjeve, z. Ilirjan Celibashi ka udhëzuar që për ato KZAZ që kanë përfunduar numërimin e votave për subjektet zgjedhore, të fillojnë numërimin për kandidatët nesër, datë 28 prill 2021 në orën 9:00. Në ato KZAZ ku ka filluar, ose pritet të fillojë numërimi i votave për kandidatët, numërimi do të vazhdojë sot deri në orën 24:00 dhe do të rifillojë nesër në datën 28 prill 2021, në orën 9:00.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
