Mark Zuckerberg, themeluesi i “Facebook”-ut, ka lënë pas miliarderin Warren Buffet, duke u bërë kështu personi i tretë më i pasur në botë. Me një pasuri me vlerë totale 81.6 miliardë dollarë, Zuckerberg ia kalon Buffet-it me 373 milionë dollarë.
Ndryshimi në listën e miliarderëve doli nga klasifikimi i fundit që ka bërë “Bloomberg”. Duket se rikuperimi i titujve në bursë, e rritur me 2.4% pas skandalit që përfshiu rrjetin social në mars lidhur me përdorimin e të dhënave, i ka dhënë Zuckerbergut një “dorë”.
Me ngritjen e Zuckerbergut, për herë të parë treshen e më të pasurve të planetit e dominojnë eksponentët e kompanive hi-tech. I pari është Jeff Bezos me 142 miliardë dollarë, i ndjekur nga Bill Gates me 94.2 miliardë dhe i treti Zuckerberg me 81.6 miliardë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
