Kryetari i Bashkisë së Tiranës, Erion Veliaj bëri me dije se ka pranuar propozimin e Lëvizjes Socialiste për Integrim për rritjen e çmimit të ujit të pijshëm.
“Kemi votat per ta bere Tiranën me uje 24 orë. Bashkia do t’i percjelle ERU plan biznesin me gjithe propozimet e LSI”, tha Veliaj.
“PS-LSI, Tirana me uje me e rendesishme se partite”, ka thene Veliaj.
LSI propozoi një ditë më parë dy kërkesa që lidheshin me pr/vendimin për rritjen e çmimit të ujit të pijshëm, rimburism të familjeve në nevojë dhe tarifë të diferencuar për bizneset.
Ndërkohë kundër këtij vendimi janë shprehur këshilltarët e PD, të cilët e kanë konsideruar si një vendim klientelist.
Ndërkohë, kryebashkiaku i Tiranës Erion Veliaj ka deklaruar më herët se me këtë vendim, Tirana brenda 5 viteve do të ketë 24 orë ujë të pijshëm
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
