Përfaqësuesi ligjor i prokurores së Kukësit, Rita Gjati, të cilën vetingu e nxori nga sistemi për 15 vjet, la sallën pa mbaruar ende seanca.
Në një intervistë për emisionin “Ajsberg”, avokati Saimir Visha shpjegoi arsyet e këtij vendimi.
Visha tha se vendimi për Gjatin është marrë në mungesë të kryetares së KPK, e cila ndodhej në Itali, por ka firmosur në vendim.
Për këtë, subjekti i rivlerësimit dhe përfaqësuesi i saj ligjor iu drejtuan SPAK-ut me padinë për falsifikim.
“U kërkua, çfarë kërkesash keni, na i bëni të gjitha, çka do të thotë se ishte çështje e paragjykuar. E ndjeva veten të fyer përpara profesionit tim. Pasi nuk ka lidhje me të fitosh një seancë gjyqësore, por lidhet me respektin ndaj profesionit të avokatisë. Ishte një proces i paragjykuar. Ironia e KPK ishte kur thanë që ju jeni juriste dhe mund të mbroheni vetë. Pritshmëria e KPK është e kundërta e asaj që shihet nga jashtë. Pashë një hakmarrje primitive të komisionerëve dhe përfaqësuesve të ONM-së në këtë gjueti shtrigash”, tha Visha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
