Rreziku i ekspozimit ndaj plumbit të punonjësve në katedralen e Notre-Dame ka bërë që inspektorati francez i punës të kërkojë ndalim të përkohshëm të punës në kantierin e ndërtimit. Inspektorati ka urdhëruar, në veçanti, që puna të pezullohet për "disa ditë", kohë gjatë së cilës kompanitë e angazhuara në vend do të zbatojnë rregullat në fuqi kundër rrezikut të kontaminimit të punëtorëve në vendin e punës.
Ndërkohë, është në rritja frika se prej rritjes së pakontrolluar të temperaturave në Paris (termometri ka arritur nivelin rekord në kryeqytet, 42.6 gradë) mund të shkaktohen shembje të reja në strukturën endërtesës tashmë të dëmtuar dhe të dobësuar nga zjarri i 15 prillit. Shqetësimin e ngre Philippe Villeneuve, arkitekti përgjegjës për mbikëqyrjen e ndërtesës së Notre-Dame. /Ansa/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
