Një mijë e pesëqind raste janë konfirmuar brenda 24 orëve më Covid-19 në Spanjë, duke e çuar numrin e përgjithshëm të të infektuarve në 5,753 persona.
Me këto të dhëna, Spanja bëhet vendi i dytë në Europë me numrin më të madh të të prekurve nga koronavirusi, me Italinë në vend të parë, ku numri i personave të infektuar ka shkuar mbi 15 mijë.
Pas të dhënave alarmante, qeveria spanjolle u mblodh dhe shpalli gjendjen e emergjencës, për herë të dytë në historinë e vendit.
Organizata Botërore e Shëndetit (OBSH) tha të premten që Europa tani është "epiqendra" e pandemisë.
Drejtori i Përgjithshëm, Dr.Tedros Adhanom Ghebreyesus u bëri thirrje vendeve të përdorin masa agresive me qëllim shpëtimin e jetëve.
Mësohet se disa vende europiane gjatë ditëve të fundit kanë raportuar një rritje të madhe të numrit të të infektuarve, si dhe numrit të vdekjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
