Kryeministri Keir Starmer ndodhet në Gjermani, pasi synon të "rivendosur" marrëdhëniet e Britanisë së Madhe me BE-në.
Ai do të takohet këtë mëngjes me kancelarin gjerman Olaf Scholz, përpara bisedimeve me presidentin francez Emmanuel Macron të enjten.
Starmer thotë se është një "mundësi një herë në brez për të rivendosur marrëdhëniet tona me Evropën".
Britania e Madhe po punon për një partneritet të ri me Gjermaninë, i cili duhet të arrihet vitin e ardhshëm.
“Ka një shtytje të vazhdueshme nga qeveria gjermane për ta sjellë Mbretërinë e Bashkuar më afër Evropës dhe për të lehtësuar bashkëpunimin midis Britanisë së Madhe dhe Bashkimit Evropian në sa më shumë fusha të jetë e mundur, duke filluar nga tregtia te të drejtat e lëvizshmërisë së studentëve deri te mbrojtja. Dhe pastaj, sigurisht, ekziston edhe ideja jo vetëm për të përgatitur terrenin për një marrëveshje BE-MB, por edhe për të forcuar lidhjet dypalëshe midis Gjermanisë dhe Britanisë së Madhe. Një skemë për lëvizjen e të rinjve ishte në krye të listës sonë të dëshirave”, tha Nils Schmid, zëdhënësi për punët e jashtme për Partinë Social Demokrate të Kancelarit Scholz, për BBC.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
