Ambasadori britanik në Tiranë, Duncan Norman ka paralajmëruar sekuestrimin e aseteve të grupeve kriminale shqiptare në Britaninë e Madhe. Gjatë një vizite në Dibër, Norman ka deklaruar se paratë që fitohen nga krimi në Britaninë e Madhe investohen në Shqipëri. Sipas tij, autoritetet shqiptare dhe ato britanike do bashkëpunojnë për të bllokimin e pasurive të krimit të të gjithë të skeduarve për veprimtari kriminale.
"Kemi patur një bashkëpunim të mirë me autoritetet shqiptare për të adresuar sfidat e përbashkëta, duke ofruar mbështetje konkrete për disa institucione. Gjatë takimit të Ministrit të Sigurisë së Britanisë së Madhe Ben Ëallace me ministrin e Financave diskutoi për sekuestrimin e aseteve të grupeve kriminale që operojnë në Angli dhe investojnë në Shqipëri", u shpreh Norman.
Ambasadori britanik theksoi gjithashtu se 60% e shqiptarëve në Angli vijnë nga veriu i Shqipërisë, të cilët janë në vëmendje të autoriteteve britanike për krime të ndryshme. Norman ka përmendur tre rajonet të cilat kanë më shumë emigrantë në Britaninë e Madhe.
"60% e shqiptarëve që vijnë në vëmendje të autoriteteve britanike për çështje të emigracionit apo aktivitete kriminale vijnë nga tre rajone në veri të Shqipërisë; Kukës, Dibër e Shkodra, zona që përbëjnë 15% të popullsisë së vendit", ka thënë Duncan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
