Malala Yousafzai, fituesja e Çmimit Nobel për Paqen, ka festuar 20-vjetorin e saj me një lajm të mirë: pranimin në universitetin e Oksfordit. Ajo ka kaluar testin e pranimit me pikët maksimale. Lajmin e ka bërë të ditur vetë Yousafzai, e cila ka saktësuar se do të studiojë filozofi, ekonomi dhe politikë.
Vajza nga Pakistani u plagos rëndë në kokë në vitin 2012 në një sulm të talebanëve, që donin ta ndëshkonin për betejën e saj në favor të feminizmit. Ajo u dërgua në spitalin Mbretëresha Elizabetë në Birmingam, Britani e Madhe, ku më pas vijoi të jetonte me familjen dhe vijoi studimet dhe fushatën e saj të ndërgjegjësimit për shkollimin e vajzave.
Në prill të vitit të kaluar, OKB-ja e ka nominuar si lajmëtare e paqes dhe në vitin 2014, kur ishte 17 vjeç, asaj iu dha Çmimi Nobel për Paqen, së bashku me indianin Kailash Satyarthi për promovimin e të drejtave të fëmijëve. Ajo e ka rrëfyer historinë e saj në librin “Malala”, të cilin e ka shkruar me ndihmën e korrespondentes së luftës, Christina Lamb, në vitin 2013.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
