Avokati Besart Logu deklaroi në studion e MCN Live se propozimi për ndryshimin e rregullores së Kuvendit është masë e rëndë, por akte të tilla si ndezja e zjarrit në Parlament duhet të marrin fund.
Për Logun sjellja e opozitës në Parlament, po i ofron Ramës një komoditet që e ka ëndërruar prej kohësh.
Po ashtu Logu tha se shumë deputetë që dalin në vijë të parë dhe përplasen me Gardën marrin tendera nga qeveria, duke i vënë gishtin grupit të Gazment Bardhit.
Propozimi për ndryshimin e rregullores së Kuvendit është masë e rëndë, po ashpërsohen masat e dënimit. Të pezullosh një deputet për 2 muaj, të mos e ushtrojë misionin për të cilin i është deleguar ai pushtet nëpërmjet forcës së kartonit është antidemokratike, por ka diçka. Kujtojmë rastin kur rrezikohej të ndihej flakë në Kuvend, legjislacioni penal akte të tilla i trajton penalisht sepse është shkatërrim i pronës publike nëpërmjet zjarrvënies. Ajo sallë është me dru special, ai ambient merr flakë shpejt.
Të tilla akte duhet të shmangen. Ramës po i ofrohet një komoditet që e ka ëndërruar se të kalosh buxhetin në 4 minua, ndërkohë që vitet e tjera është dashur 24 orë, është direkt faji i opozitës.
Po miratohen një buxhet që do ë rëndojë shtresën e mesme dhe këtij buxheti, s’po bëhet oponencë.
Demokratët me këtë akt janë të rrethuar 3 herë, e para sepse nuk po përmbushin misionin e opozitarit, pra që t’i bëjnë oponmencë qeverisë, e dyta po i mundësojnë Ramës kalimin e ligjeve në një komoditet të pashoq.
E treta shumë deputetë që fërkohen me Gardën, praktikisht shumë prej tyre marrin tendera pranë qeverisë.
Kryesisht grupi i Gazment Bardhit, ata thyejnë rekord në marrje tenderash dhe përfitimesh.
Në momentin që të plotësohet dosja do të bëhen publike dhe emrat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
