Fatbardh Kadilli, anëtar i Kryesisë së PD-së, i cili ka shpallur kandidaturën e tij për kreun e kësaj partie ishte i ftuar mbrëmjen e sotme në emisionin “Arnautistan” në MCN TV.
I pyetur nëse e kishte menduar kandidimin për kreun e PD në rast humbje apo ishte instikt, Kadilli tha se kanë qenë të dyja bashkë. Ai shtoi se instikti lindi në mëomentin kur pa përmasat e humbjes. Siç u shpreh ai rikrijimi i fabulës politike për vjedhjen e votave nuk e justifikon dështimin dhe humbjen e zgjedhjeve të 25 prillit.
“Janë të dyja bashkë. Ishte edhe instikt në moment kur pashë që përmasa e humbjes ishte e padurueshme dhe kur po shikoja çfarë lëvizjesh po ndodhnin në PD që ishte rikrijimi i një fabule politike që vjedhja justifikon dështimin. Vjedhja e votës apo blerja e saj nuk është ngjarje e re. Po ashtu nuk është ngjarje e re që ne bëjmë një zbor politik që prej vitit 2000, refuzojmë rezultatin dhe pastaj bëhemi pjesë e sistemit”, tha Kadilli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
