Krimi në Korçë, flasin fqinjët: Nëna e viktimës kujdesej për babanë e të dyshuarit (VIDEO)

Një ditë pas ngjarjes së rëndë në Korçë, ku mbetën të vrarë Emiljano Pine dhe Ilo Lluka i cili i dha fund jetës pas krimit, flasin banorët e lagjes.

Korrespodentja Sara Kovaçi raporton për MCN Live, se Ilo Luka i ka shkuar në lokalin ku ndodhej Emiljano Pine dhe ka shkrepur armën mbi të dhe gjithçka lidhur me pronësinë e apartamentit të babait të të dyshuarit, të cilin i moshuari do ia linte nënës së Pines, me të cilën bashkëjetonte.

Pak më vonë, ai ka shkrepur armën drejt vetes, për t'i dhënë fund jetës.

Një nga banoret e zonës ku ndodhi krimi, tregon se ndodhej në shtëpi kur ndodhi ngjarja.

Dëgjova krisma, dola jashtë dhe i pashë të dy të shtrirë në rrugë.

I njihja të dy personat. Emiljano ishte djalë i shkëlqyer.

Nëna e Emiljanos e mbante në shtëpi babanë e Ilos prej disa vitesh dhe kujdesej për të, që kur ishte edhe i shoqi gjallë.

Një tjetër banor thotë se dëgjoi krisma një natë më parë dhe i pandehu për fishekzjarre.

I thashë gruas mos janë fishekzjarre dhe nuk dola në moment.

Kur dola për të mbyllur derën pashë çfarë kishte ndodhur. Nuk njihja asnjërin prej tyre.

Jashtë kamerave, fqinjët e Emiljano Pines i njohur si Jorgo Prifti, kanë treguar se familja jetonte me qira. Ndërkohë që babai i autorit të ngjarjes bashkëjetonte me familjen e Emiljanos prej 4 vitesh.

Nëna e Emiljanos kujdesej për shkak të pamundësive të tij fizike dhe moshës. Sipas banorëve, babai i Emiljanos kishte 1 vit që kishte ndërruar jetë dhe ata e vazhdonin bashkëjetesën.

Sipas burimeve nga policia, bëhet me dije se pista kryesore e hetimeve mbetet trashëgimia e një apartamenti në pronësi të babait të autorit të ngjarjes, i cili donte t’ia linte si trashëgimi djalit të kujdestares.

Ilo Lluka ishte emigrant, jetonte në Greqi dhe pasi ka marrë vesh vendimin e të atit për shtëpinë, është kthyer nga shteti grek dhe mbrëmjen e djeshme vrau Emiljanon e më pas veten.

61-vjeçari Lluka njihet si përdorues i pijeve alkoolike ndërsa ekspertiza mjeko-ligjore ende nuk e ka konfirmuar nëse ka qenë nën efektin e alkoolit në momentin kur kreu krimin.