Ish kryetari i shoqatës së basteve, Artan Shyti në emisionin ‘Të Paekspozuarit’ në MCN TV ka komentuar për rikthimin e basteve online ku shpreh se interferenca nga bota e krimit mund të ketë pasur, por jo zyrtarisht.
Kompania e basteve ishin kompani të licencuara, që do të thotë se personat ortakë dhe në ligjin që ishte në fuqi ishin persona që duhet të kontrolloheshin dhe të gjithë administratorët e pikave në Shqipëri, paguanin taksa, tatime dhe kjo është pjesa që është aty. A ka pasur interferencë të botës kriminale, ajo dihet se atje ku ka para të thjeshta të ndërhyjë dhe këtë e kemi dëgjuar për ndërtimin dhe fusha të tjera, por zyrtarisht asnjë person nga ata të punësuar nuk kishte të drejtë të punësohej nëse kishte një rekord kriminal.
Tani ata që dinë më tepër të thonë me emra, unë di të them se në shoqatën nuk kishte njerëz që fshiheshin apo me rekorde kriminale. Unë e quaj politikë suksesi politikën e vitit 2013. Fundi i marrëzisë funksionoi. Edhe në ndërtim kjo funksionoi, se s’mund të themi se bota kriminale kishte synim vetëm bastet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
