Instituti i Mjekësisë Ligjore ka dorëzuar në Prokurorinë e Krimeve të Rënda akt-ekspertimin e kryer ndaj Fadil Kasemit, i cili vrau ish-bashkëshorten gjyqtare Fildes Hafizi, më 31 gusht të këtij viti.
Sipas raportit, Fadil Kasemi nuk vuan nga probleme mendore. 53-vjeçari rezulton të ketë qenë i përgjegjshëm në momentin e kryerjes së krimit.
Avokati mbrojtës i Kasemit kërkoi ekspertizë të gjendjes mendore të klientit të tij.
Prokuroria për Krimet e Rënda akuzon Kasemin për veprën penale të “vrasjes për shkak të marrëdhënieve familjare”, për të cilën parashikohet dënim nga 20 vjet deri në burgim të përjetshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
