Denoncimi i Shehajt: Gjiknuri po ndërton në perlën e paprekur të Parkut Kombëtar të Butrinit

Deputeti Agron Shehaj denoncoi jashtë ambienteve të Kuvendit ndërtimin që po bën sipas tij Damian Gjiknuri brenda Parkut Kombëtar të Butrintit.

Shehaj denoncoi gjithashtu ish-ministren Xhaçka, që sipas tij po ndërton një rezort në Dhërmi. 

Kemi raste konkrete se si nëpërmjet ligjeve të aprovuara nga Parlamenti. Kjo pika e vogël ishte pjesa e Parkut Kombëtar të Butrinit, qeveria e hoqi nga parku dhe ia dha Gjiknurit. Ishte një perlë e paprekur pjesë e parkut, shikoni çfarë po ndërton Gjiknuri. E njëjta gjë ish-ministrja, që u fut në politikë me xhepat bosh, dhe tani po ndërton një rezort në Dhërmi. Kjo është arsyeja pse ligji për investimet strategjike u shty për një vit tjetër, prandaj u aprovua dhe ndryshimi i ligjit për zonat e mbrojtura, sepse këta kanë vetëm një qëllim të kapin çdo gjë që ka vlerë në bregdet dhe të ndërtojnë çdo gjë për veten e tyre, familjarët e tyre. Unë mendoj se problemi i këtij vendi është qeveria, që merr pronat e qytetarëve dhe i përvetëson ato, pastaj mund të flasim për mënyrën se si bëhet opozita”.