Festivali i Sanremos tërheq çdo vite vëmendjen e miliona italianëve, por edhe shikuesve nga vende të tjera të Europës. Në natën e parë, një nga detajet më pikante ishte fustani i prezantueses të “Sky Sport”, Diletta Leotta. 25-vjeçarja e ftuar në natën e parë të festivalit u intervistua nga prezantuesi Carlo Conti. Fustani i Leotta-s u komentua gjerë në rrjetet sociale, ku batuta më e spikatur ishte ajo e Caterina Ballivo-s.
“Nuk mund të flasësh për privatësi me atë fustan veshur, teksa përpiqesh ta hapësh çarjen e tij akoma më shumë me dorë”, shkroi ajo.
Reagimet në rrjet erdhën pas intervistës së Leotta-s, e cila foli për mënyrën se si e kishte përjetuar shpërndarjen në internet të disa fotove të saj, të cilat ia kishin marrë nga telefoni.
“Ishte shumë e vështirë për mua. Por vendosa të kthehesha në punë. Dua t’u bëj apel atyre që janë në situatën time: Denonconi menjëherë!”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
