Ndërkohë që shtete të shumta po bëjnë përpjekje për përparimin në gjetjen e vaksinës kundër Covid-19, Organizata Botërore e Shëndetit bën thirrje për "parandalimin e nacionalizmit të vaksinave", duke vënë theksin se risitë duhet të jenë të disponueshme për të gjithë, veçanërisht në ato vende ku rreziku është më i lartë.
Kjo gjë u tha nga Drejtori i Përgjithshëm, Tedros Adhanom Ghebreyesus, në konferencën periodike për koronavirusin.
OBSH nxiti "të mos përsërisim gabimet e së kaluarës", duke iu referuar në veçanti prokurimit të nevojave themelore për punëtorët e frontit në fillim të pandemisë. "Nacionalizmi i furnizimit ka përkeqësuar pandeminë dhe ka kontribuar në dështimin e plotë të zinxhirit global të furnizimit," vuri në dukje ai.
Ky duhet të jetë një mësim për ne thotë ai. Megjithëse ekziston një dëshirë midis udhëheqësve për të mbrojtur së pari njerëzit e tyre, përgjigja ndaj kësaj pandemie duhet të jetë kolektive sipas tij, sepse askush nuk është i sigurt derisa të gjithë të jenë të sigurt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
