Gjykata Kushtetuese do të zhvillojë sot seancën e dytë pas bërjes funksionale në tre vite mungesë.
Në axhendën e gjykatës kushtetuese si prioritare për muajin shkurt janë njoftuar gjashtë çështje, mes tyre padia e shoqatës kombëtare “Pronësi me drejtësi” për çështjen e pronave, mandej kërkesat e qytetarëve kundër parregullsive gjyqësore dhe padia e Kontrollit të lartë të shtetit për financat e qeverisjes vendore.
Mësohet se në seancë e dytë të Kushtetueses do të shqyrtohet padia e Shoqatës “Pronësi me Drejtësi” kundër ligjit për trajtimin e pronës dhe përfundimin e procesit të kompensimit të pronave.
Ndërkohë pa datë mbeten paditë me përmbajtje politike si çështja e zgjedhjeve të 30 qershorit 2019, përplasja mes kryeministrit dhe presidentit për dekretet e ministrave, si dhe padia e partisë Republikane që kundërshton ndalimin e tubimeve politike për shkak të masave anticovid.
Në seancën e parë të zhvilluar në Gjykatën Kushtetuese u vendos që të rrëzonte kërkesën duke mos e ndryshuar Kodin e Procedurës penale për gjykimet në mungesë.
Kujtojmë se Gjykata Kushtetuese nisi punën zyrtarisht me 26 janar të këtij viti, ku shtatë anëtarët e rinj të saj dhanë një vendim pas gati tre vitesh që kjo gjykatë kishte dalë jashtë funksionit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
