Katastrofë mjedisore në një prej destinacioneve më të bukura të planetit

Sikur të mos mjaftonte koronavirusi, turizmi në një prej destinacioneve më të preferuara në planet kërcënohet edhe nga ndotja ambientale.

Një sasi e madhe nafte po ndot dhe po dëmton ujërat e kristalta të ishullit Mauritius, në brigjet e Afrikës Lindore.

Karburanti po rrjedh nga anija japoneze Wakahisho. Imazhet satelitore tregojnë shkallën e përhapjes së njollës së zezë, rreth 4 000 tonë karburant që rrjedh nga cisterna.

Kryeministri Pravind Jugnauth ka shpallur gjendjen e emergjencës mjedisore edhe sepse ishulli i Oqeanit Indian mund të mos ketë burimet e nevojshme për të përballuar fatkeqësinë.

Anija u bllokua në një gumë koralesh në ishull më 25 korrik dhe ekuipazhi i saj u evakuua. Anija është në pronësi të një kompanie japoneze, por e regjistruar në Panama.