Tre punonjës të burgut të Shënkollit në Lezhë janë arrestuar pas arratisjes së 49-vjeçarit Daut Laze.
Siç raporton korrespondenti i MCN nga Lezha, burimet njoftojnë se, pas analizimit të situatës dhe kryerjes së veprimeve hetimore, Shërbimi i Kontrollit të Brendshëm ka arrestuar tre punonjës të IEVP Shënkoll. Ata janë: Pjetër Ndoka, Mark Nikolli dhe Zhaneta Medha, e cila është shtruar në spital për shkak të problemeve shëndetësore që ka shfaqur pas ndalimit.
Ndaj tyre është ngritur akuza për shpërdorim të detyrës, pasi në momentin e arratisjes së Daut Lazës ata kanë qenë në shërbim dhe nuk kanë përmbushur detyrat e përcaktuara nga ligji.
Pavarësisht kontrollove dhe shpërblimit prej 10 mijë eurosh për informacion mbi arratisjen, policia ende nuk ka arritur të gjejë 49-vjeçarin, i cili u arratis nga qelia ditën e djeshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
