Vaksina e gripit , përveç mbrojtjes kundër gripit të zakonshëm, do të reduktonte ndjeshëm rrezikun e sëmundjeve kardiovaskulare, si sulmi në zemër, goditja në tru. Këtë e tregojnë rezultatet e një studimi të ri të kryer nga studiues nga Universiteti i Torontos.
Për të kryer studimin, të publikuar në faqet e revistës së specializuar JAMA NETWORK OPEN , ekipi i studiuesve analizoi rezultatet e gjashtë provave klinike në të cilat ishin përfshirë rreth 9 mijë njerëz me një moshë mesatare 65 vjeç. Gjysma e kampionit kishte marrë vaksinën kundër gripit.
Duke analizuar të dhënat mjekësore të pjesëmarrësve, studiuesit vunë re se në vitin pas vaksinimit, një shkallë e sëmundjeve kardiovaskulare prej 3.6% u regjistrua midis të vaksinuarve kundrejt 5.4% tek të pavaksinuarit, me një reduktim relativ në 34% rrezik. Nga kjo rezulton, sipas përllogaritjeve të studiuesve, se për çdo 56 persona të vaksinuar shmanget një ngjarje kardiovaskulare.
Analiza zbuloi gjithashtu se ndikimi i vaksinimit duket të jetë edhe më i madh tek individët që kishin pasur më parë probleme kardiovaskulare në të kaluarën. Midis tyre, ulja e rrezikut do të ishte 45%, dhe vaksinimi do të ishte në gjendje të përgjysmonte probabilitetin e vdekjes nga shkaqe kardiovaskulare në vitin pas administrimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
