Ky person që shikoni në foto është vrasësi me pagesë, i cili akuzohet për ekzekutimin e Devi (Defrim) Kasmi, mbrëmjen e së hënës në Tiranë.
Sipas bluve të kryeqytetit, ekzekutori 41-vjeçarit është një shtetas grek nga Arta, i quajtur Efthymiou Efthymious 41 vjeç, ish-agjent special i Policisë Greke në periudhën 1992-2012 dhe është arrestuar mbrëmjen e djeshme nga policia e kryeqytetit.
“Shtetasi grek është vetëdeklaruar si ish-punonjës i forcave speciale të policisë greke nga viti 1992 deri në vitin 2012, kohë në të cilën ai është përjashtuar nga kjo strukturë, sepse është konstatuar si trafikant i lëndëve narkotike”, deklaroi Ardi Veliu, drejtor i Policisë së Tiranës.
Policia tha se në momentin e arrestimit atij iu gjeten edhe parate qe kishte marre si shperblim per vrasjen. Efthymious rezulton i dënuar në Gjermani për trafik droge, ndaj edhe ishte perjashtuar nga forcat speciale greke.
Ndërkohë për arrestimin e tij ka reaguar edhe ministri i Brendshëm Fatmir Xhafaj, i cili vlerësoi operacionin e arrestimit të autorëve të dyshuar të vrasjes së shtetasit Devi Kasmi. Në një postim në "Twitter", Xhafaj falenderon edhe prokurorinë për bashkëpunimin, duke shtuar se është i bindur për rezultate të tjera pozitive.
"Operacion i shkëlqyer: Identifikim & arrestim rekord i autorëve të dyshuar të vrasjes në Tiranë. Falënderim Policisë Tiranë për profesionalizmin e treguar. Faleminderit Prokurorisë Tiranë për bashkëpunimin shumë të mirë. Të bindur për të tjera rezultate pozitive", shkruan Xhafaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
