Një dyqan është djegur në lagjen “11 Janari” në Gjirokastër, raporton korrespondentja e Mcn Tv në këtë qytet.
Ka qenë ora 02:22 kur u pikasën flakët e zjarrit në katin e parë të një pallati pranë shkollës së mesme pedagogjike “Pandali Sotiri” te dyqani “XL”.
Në vendngjarje ka shkuar menjëherë shërbimi zjarrfikës me 4 efektivë. Zjarri ishte në katin e parë të pallatit të një banese të përshtatur për dyqan, brenda të cilit u dogjën orendi shtëpiake, si kanape, krevat, mikrovalë, etj.
Zjarrfikësja ndërhyri duke hedhur ujë, derisa u bë e mundur izolimi dhe fikja e plotë e zjarrit. Objekti ishte në pronësi të Bilbil Graçit, i cili e kishte dhënë me qira tek Edmond Lakta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
