“Arrest me burg” ka vendosur Gjykata e Korçës mesditën e sotme si masë sigurie për 31-vjeçarin Ilirjan Selmani, i cili vrau me thikë dhe i vuri zjarrin banesës së Kozeta Teços, 52 vjeçe, me të cilën kishte lidhje intime prej disa vitesh.
Në vijim të hetimeve ndaj tij për veprën penale “Vrasja për shkak të marrëdhënieve familjare”, Selmani do të qëndrojë në burg.
Krimi ndodhi në lagjen nr. 1, Pogradec më 28 korrik, ku ngjarja u raportua fillimisht si aksidentale pasi u dyshua se 52-vjeçarja kishte humbur jetën nga asfiksia gjatë djegies së banesës së saj.
Efektivët e policisë, gjatë veprimeve hetimore dhe këqyrjes së jashtme të trupit të pajetë, kanë krijuar dyshime se shkaku i humbjes së jetës së 52-vjeçares nuk ishte asfiksia, sepse në trupin e saj konstatuan dëmtime të dyshuara të shkaktuara me thikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
