Organizatorët e takimit të kryeministrit Rama me shqiptarët e Athinës presin një pjesëmarrje prej 5-10 mijë veta. Në studion e emisionit “Të Paeskpozuarit”, gazetari Artan Hoxha tha se policia greke pritet të jetë në gatishmëri, sepse është porositur se mund të ketë incidente.
Është një vizitë që Rama e bën privatisht në Athinë. Nuk janë njoftuar autoritetet greke. Thjesht u është thënë që të dielën do të jetë në qendër të Athinës dhe ka kërkuar leje për një takim të madh. Pretendojnë të mbledhin 5-10 mijë emigrantë. Ndaj kanë kërkuar një ambient të mbyllur dhe me hapësirë të madhe. Kur u mor vesh se për çfarë ishte ky aktivitet, drejtuesi i njësisë administrative ku ndodhet teatri Christmas deklaroi që nuk mund ta jepte ambientin. Ai ka thënë që takimi nuk mund të bëhet aty pasi në atë kohë, ambienti është i zënë. Ndërkohë është ndryshuar orari i takimit të Ramës dhe mbetet në fuqi kërkesa. Në mediat greke, kjo është bërë një çështje kryesore, sikur kryeministri grek po i kthen një përgjigje homologut shqiptar. Sipas mediave greke, Rama po i bën karshillëk homologut grek sepse shqiptarët kanë të drejtë vote.
Policia është porositur që mund të ketë incidente. Ky është një aktivitet që Rama e ka justifikuar me një vizitë, ku ai synon të flasë më shqiptarët që kanë ikur jashtë. Ky takim mund të niste nga një vend tjetër por nis nga Greqia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
