Gjykata e Apelit ka ndryshuar masën e sigurisë për Marius Demën i cili vrau shokun e tij Mehmet Qemën te rruga “5 Maji” në 10 maj.
Gjykata e Apelit ka caktuar masën “arrest shtëpie” pas dënimit nga Gjykata e Shkallës së parë me burg.
"Në ngjarjen e ndodhur më datë 10.05.2021, ora 23:30, në Tiranë, në rrugën “5 Maji”, mbeti i vrarë me armë zjarri shtetasi M.Q, autor i së cilës dyshohet shtetasi M.D, i cili u arrestua.
Në vijim në Gjykatën e Apelit Tiranë, u zhvillua gjykimi lidhur me zëvëndësimin e masës së sigurimit për personin nën hetim M.D, i dyshuar për kryerjen e veprës penale “Vrasje me dashje” dhe “Mbajtja pa leje dhe prodhimi i armëve, armëve shpërthyese dhe municionit”, parashikuar nga nenet 76 dhe 278/1 të Kodit Penal.
Më herët, Gjykata e Rrethit Gjyqësor Tiranë me vendimin nr. 757/1 Regj.Them , datë 12.07.2021 ka vendosur:
-Për personin nën hetim M.D caktimin e masës “Arrest në burg”.
Çështja në apel u shqyrtua mbi bazën e ankimit të bërë nga personat nën hetim M.D.
Gjykata e Apelit Tiranë me vendimin nr. 625 datë 27.07.2021 vendosi:
-Ndryshimin e vendimit Nr. . 757/1 Regj.Them , datë 12.07.2021 të Gjykatës së Rrethit Gjyqësor Tirane
- Zëvëndësimin e masës së sigurimit “Arrest në burg” caktuar me vendimin nr. 757 datë 15.05.2021 të Gjykatës së Rrethit Gjyqësor Tiranë dukë caktuar si masë sigurimi” Arrest në shtëpi”.."
Kujtojmë se ngjarja e regjistruar më 10 maj të këtij viti kur Dema i cili mbante në dorë një armë tip pistoletë qëlloi drejt shokut të tij.
Pas ngjarjes Dema u largua dhe vetëm pas disa orësh arrati u dorëzua duke pranuar krimin e ndodhur.
Sipas Demës ai nuk ishte në dijeni se pistoleta kishte plumb.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
