Kryeministri i Kosovës, Ramush Haradinaj, është në pritje të vizës amerikane. Në një status në profilin e tij në “Facebook”, Haradinaj shkruan se është në pritje të procedurave për vizën që do t’i lejonte udhëtimin drejt SHBA-ve, ndërsa kujton rolin e këtyre të fundit në luftën për pavarësinë e Kososvës.
“Të dashur qytetarë të Kosovës, më 24 mars ‘98 kemi pasur momente jete apo vdekje. Kështu ka vazhduar deri më 24 mars ‘99, kur Amerika dhe NATO-ja na dolën në ndihmë. Kurrë nuk do ta harroj. Momente të vështira pritjeje deri më 24 mars ‘99. Pres edhe për vizë deri kur të ma japin. I besoj Kosovës! I besoj Amerikës! Jam ende në procedurë për vizë”, ka shkruar ai në “Facebook”.
Reagimi i Haradinajt erdhi pasi në disa media u raportua se atij dhe bashkëshortes së tij i ishte refuzuar viza për në SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
