Një prokuror i profilit të lartë në Paraguai, i angazhuar fuqishëm në luftën kundër krimit të organizuar në vendin e tij u ekzekutua me armë zjarri, teksa ndodhej për muaj mjalti në Kolumbi.
Marcelo Pecci ishte në një plazh në ishullin turistik Baru kur u vra nga dy persona të armatosur.
Gjithçka ndërsa disa orë para të shtënave, gruaja e Peccit njoftoi në Instagram se ishte shtatzënë.
Presidenti i Paraguajit, Mario Abdo Benitez e përshkroi ngjarjen si “vrasje frikacake”.
Gruaja e Peccit, gazetarja Claudia Aguilera, tha se dy burra iu afruan në një plazh privat përpara se i shoqi të qëllohej për vdekje.
Dy burra qëlluan Marcelon. Ata erdhën me një varkë të vogël ose me jet ski, nuk e pashë mirë. Njëri nga sulmuesit doli dhe pa folur qëlloi dy herë Marcelo, një plumb e goditi në fytyrë dhe një tjetër në shpinë.
Kreu i policisë kolumbiane dhe hetuesit nga Paraguaj shkuan në vendin e vrasjes, duke vijuar hetimet mes dy shteteve.
Prokurori paraguaian i antimafias, ishte i specializuar në krimin e organizuar, trafikun e drogës, pastrimin e parave dhe financimin e terrorit.
Në vitin 2020 ai punoi në një çështje kundër ish-futbollistit brazilian Ronaldinho, i cili u arrestua duke u përpjekur të hynte në Paraguaj me një pasaportë false.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
