Deputetët e Partisë Demokratike të Kosovës (PDK) do ta përkrahin mocionin e opozitës për rrëzimin e qeverisë “Mustafa”. Kështu bëjnë të ditur burime të gazetës “Zëri” brenda grupit parlamentar të kësaj partie.
PDK mblodhi sot në mëngjes grupin e saj parlamentar për të diskutuar mbi mocionin e votëbesimit të qeverisë, i cili do të hidhet për votim në Kuvend.
Në përfundim të mbledhjes, ministri i Punëve të Jashtme të Kosovës, Enver Hoxhaj, tha se gjithçka do të merret vesh në Kuvend.
Sipas “Zëri”-t, partia e Kadri Veselit është e interesuar të shkojë në qershor në zgjedhje të parakohshme parlamentare, pasi që ka frikë se do të mund të pësojë “debakël” në zgjedhjet e ardhshme lokale dhe rezultati negativ zgjedhor do të mund të përcillet edhe në zgjedhjet e rregullta parlamentare po qe se do të mbaheshin në qershor të vitit të ardhshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
