Presidenti amerikan Joe Biden ka mbajtur një fjalë të gjatë në Konventën Kombëtare Demokrate ku ndër të tjera u bëri thirrje qytetarëve që të votojnë Kamala Harris në krye të Shtëpisë së Bardhë.
I përlotur, Biden deklaroi se ka qenë nderi i jetës së tij që të shërbejë si president i SHBA-ve.
Amerikë, të dhashë më të mirën time për ty. Kam bërë shumë gabime në karrierën time, por kam dhënë më të mirën për ju. Për 50 vjet, si shumë prej jush, unë i kam dhënë zemrën dhe shpirtin tim kombit tonë dhe jam bekuar një milion herë në këmbim me mbështetjen e popullit amerikan. Ka qenë nderi i jetës sime të shërbej si president. Unë e dua punën, por e dua më shumë vendin tim. Nuk është e vërtetë se jam i inatosur me ata që po më shtynin të largohem. Rrihni Donald Trump dhe zgjidhni Kamala Harruis.
Pas një muaji sfide personale dhe grindjesh të brendshme partiake, Biden u tërhoq si kandidati demokrat më 21 korrik, duke lënë garën presidenciale pas një debati katastrofik që e çoi partinë e tij në rrëmujë dhe i shtyu edhe disa nga aleatët e tij të vjetër të spekulonin publikisht rreth aftësisë së tij për të shërbyer një mandat të dytë.
Brenda minutës së parë të çeljes të konventës, Kryetari i Komitetit të Konventës Kombëtare Demokratike Minyon Moore vlerësoi Biden për largimin nga gara, duke e përshkruar vendimin e tij si “një akt të vërtetë patriotizmi” në të cilin presidenti “i kaloi pishtarin brezit të ardhshëm”.
Vetë Harris bëri një paraqitje surprizë të hënën vetëm për të falënderuar “Presidentin e jashtëzakonshëm Joe Biden” për “udhëheqjen e tij historike, për shërbimin tuaj gjatë gjithë jetës ndaj kombit tonë dhe për gjithçka që do të vazhdoni të bëni”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
