Një 38 vjeçar është qëlluar me armë zjarri nga persona ende të paidentifikuar në Katund të Sukthit, pranë shinave të trenit.
Policia njofton se 38-vjeçari Fatjon Dervishi është dërguar menjëherë në spital për të marrë ndihmë mjekësore, por nuk ka mundur që t’u mbijetojë plagëve të marra.
Shërbimet e policisë kanë ngritur pika kontrolli dhe vijon krehja e zonës.
Durrës/Informacion paraprak
Në Katund, Sukth, tek shinat e trenit, nga persona ende të paidentifikuar është qëlluar me armë zjarri shtetasi F.D, 38 vjeç, i cili u transportua menjëherë në spital për ndihmë mjekësore, por si pasojë e plagëve të marra ka ndërruar jetë në spital.
Shërbimet e Policisë me marrjen e njoftimit kanë shkuar menjëherë në vendngjarje.
Në ndihmë të Policisë vendore janë nisur dy grupe të Fnsh-së Tiranë.
Grupi hetimor ka shkuar në vendngjarje dhe në bashkëpunim me Prokurorin vijon veprimet për zbardhjen dhe dokumentimin e rrethanave të ngjarjes, me qëllim identifikimin dhe kapjen e autorit/ve.
Ndërkohë shërbimet e Policisë kanë ngritur pika kontrolli dhe vijon krehja e zonës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
