Irani do të mbajë një funeral shtetëror këtë të shtunë për rreth 60 oficerë të lartë ushtarakë dhe shkencëtarë bërthamorë të vrarë në luftën 12-ditore të nisur nga Izraeli në ditën e katërt të një armëpushimi të brishtë dhe ndërsa Donald Trump kërcënon të sulmojë përsëri vendin.
Arkivolet janë të mbështjellë me flamuj iranianë dhe mbajnë portrete të komandantëve të vrarë në uniformë. Procesioni mortor, i cili u nis nga Sheshi Enghelab (Revolucioni), do të vazhdojë më pas drejt Sheshit Azadi (Liria), 11 kilometra larg.
Presidenti iranian Masud Pezeshkian po merr pjesë në ceremoni.
“E shtuna do të jetë një ditë historike për Iranin Islamik dhe historinë e revolucionit ", tha të premten për televizionin shtetëror Mohsen Mahmoudi, një zyrtar fetar për provincën e Teheranit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
