Vullkani i frikshëm Etna riaktivizohet për të pestën herë, duke rikthyer frikën dhe panikun në zonën e Katanias në Itali.
Faza më spektakolare u rikthye mbrëmë, e pesta që ka regjistruar vullkani më i lartë aktiv në Evropë, që nga 4 korriku.
Protagonist, edhe një herë, është krateri “Voragine”,me “shatërvanë” shumë të lartë llave dhe emetimin e një reje vullkanike që shkon në 10 kilometra të lartë, e cila penalizon plotësisht fluturimet në këtë zonë, raportojnë mediat italiane.
“Shpërndarja e hirit është në drejtim juglindor dhe bie në disa qendra të banuara nga Etna. Fenomeni u vëzhgua nga Instituti Kombëtar i Gjeofizikës dhe Vullkanologjisë i Katanias, i cili lëshoi një buletin paralajmërues për fluturimin, një Vona, me ngjyrë të kuqe”, theksohet po aty për detajet e ngjarjes gjeofizike.
Amplituda mesatare e dridhjes vullkanike, raporton INGV, Observatori Etna, tregoi një rritje të papritur rreth orës 03:20 të mëngjesit, duke shkuar nga vlera mesatare në shumë të larta në orën 04:40. Më pas aktiviteti pasi u intensifikua, u shndërrua në një shatërvan llave.
Aktualisht, dridhja vullkanike, e cila sinjalizon energjinë e kanaleve të brendshme magmatike të vatrës vullkanike, po zvogëlohet me shpejtësi, duke u vendosur aktualisht në vlera mesatare-të larta, por me një tendencë uljeje.
Pas aktivitetit vullkanik të Etna, njësia e krizës e aeroportit Fontanarossa të Katanias urdhëroi edhe mbylljen e sektorit B1 dhe reduktimin e mbërritjeve në gjashtë fluturime në orë.
#volcan #volcano #Etna C'est parti pour une nouvelle séquence paroxysmale depuis la Voragine!/Let's go for a new paroxysmal sequence from Voragine! pic.twitter.com/IPqkPZav4N
— CultureVolcan (@CultureVolcan) August 4, 2024
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
