Ish-kryeministri izraelit Benjamin Netanyahu është drejt rikthimit në pushtet, të paktën kështu sugjerojnë exit poll-et.
Parashikimet i japin bllokut të tij të krahut të djathtë një epërsi vogël vendesh ndaj kundërshtarëve të tij të qendrës së majtë të udhëhequr nga kryeministri aktual Yair Lapid.
Një rezultat i tillë do të shënonte një rikthim dramatik për Netanyahu-n, i rrëzuar vitin e kaluar pas 12 vitesh në pushtet.
"Ne jemi afër një fitoreje të madhe," u tha ai mbështetësve të ngazëllyer në Jeruzalem.
Zgjedhjet shihen gjerësisht si një votë pro ose kundër kthimit të Netanyahut.
Sondazhet e daljes sugjerojnë se blloku i Netanyahut do të kryesojë me 61 ose 62 vende në Parlamentin prej prej 120 vendesh. Rezultatet fillestare priten në orët në vijim.
Netanyahu, i shoqëruar nga gruaja e tij Sara, u shfaq në vendin e zgjedhjeve të partisë së tij Likud në orën 03:00 (me orën lokale), duke u pritur me duartrokitje të forta nga mbështetësit.
"Ne kemi fituar një votë të madhe besimi nga populli i Izraelit," u tha ai simptizantëve, teksa këta të fundit brohorinin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
