Përfaqësuesi i lartë i BE Josep Borrell ka deklaruar sot se Rusia po kërkon ta izolojë Ukrainën nga deti.
“Qeveria ruse nuk ka asnjë interes për të negociuar një armëpushim në Ukrainë për momentin pasi ushtria e saj nuk i ka arritur qëllimet e saj ushtarake. Ajo dëshiron të rrethojë bregdetin deri në kufirin me Moldavinë dhe të izolojë Ukrainën nga deti. Ajo dëshiron të negociojë seriozisht vetëm kur të ketë siguruar një pozicion të forte”, tha Borrell.
Ai shtoi se Bashkimi Evropian dhe aleatët e tij do të vazhdojnë të ofrojnë ndihmë ushtarake për ushtrinë ukrainase.
“Është e rëndësishme sepse gjithçka do të vendoset në 15 ditët e ardhshme,” tha ai. "Ajo që do të bëjë histori është aftësia e ukrainasve për të rezistuar."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
