Nxënësit e kolegjit privat ‘Mehemt Akif’, i cili u mbyll pak ditë më parë me vendim qeveri për shkak se nuk plotësonte kushtet ligjore, po protestojnë para ambienteve të Ministrisë së Arsimit.
Nxënësit kërkojnë shfuqizimin e vendimit për mbylljen e shkollës.
Për mikrofonin e “MCN live” , nxënëset e kolegjit turk janë shprehur të indinjuara dhe kanë kërkuar kundështrimin e vendimit dhe një vendim të dytë të Ministrisë së Arsimit.
Duke menduar një zhvendosje të mundshme në gjimnazet dhe shkollat tjera në vend, disa nga maturantët protestuese janë shprehur se kolegjet private në Tiranë, nuk pranojnë më maturantë tashmë kur procesi mësimor ka filluar, dhe si e tillë rrezikohet matura e tyre.
Maturantet protestuese të kolegjit “Mehmet Akif”, kanë iniciuar edhe një peticion kudër vendimit të MA, dhe që nga dita e enjte, sipas organizatorëve, janë mbledhur 12 mijë firma.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
