Asma al-Assad, gruaja e presidentit sirian Bashar al-Assad, vuan nga leuçemia. Një lajm i tillë është komunikuar nga presidenca siriane.
“Pas shfaqjes së simptomave të shumta dhe pas disa analizave klinike, është konstatuar se zonja e parë vuan nga leucemia”, thuhet në një shënim të presidencës siriane.
Nga Damasku saktësohet se Asma al-Assad po ndjek një “protokoll trajtimi specialistik, i cili kërkon izolim, distancim shoqëror dhe largim nga jeta publike”.
Vetëm pesë vjet më parë, gruaja 48-vjeçare e liderit sirian njoftoi se kishte mundur kancerin e gjirit, një vit pas diagnozës së saj.
Që kur Siria u përfshi në luftë në vitin 2011, ish-bankierja e investimeve me origjinë britanike ka marrë rolin publik të udhëheqjes së projekteve të bamirësisë dhe takimit me familjet e ushtarëve të vrarë.
Ajo drejton Siria Trust for Development, një OJQ e madhe që vepron si një organizatë ombrellë për shumë prej operacioneve të ndihmës dhe zhvillimit në Siri.
Vitin e kaluar, ajo shoqëroi bashkëshortin e saj, Presidentin Bashar al-Assad, në një vizitë në Emiratet e Bashkuara Arabe, udhëtimi i saj i parë zyrtar i njohur jashtë vendit me të që nga viti 2011.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
