Rama: Së shpejti do të çelim një aeroport të ri përballë Korfuzit

Kryeministri Edi Rama bëri me dije nga Berlini se në Shqipëri do të çelet një aeroport i ri përballë Korfuzit, në skajin jugor të vendit.

Duke folur nga panairi Ndërkombëtar për Turizmin, Rama tha që ai do të menaxhohet nga Aeroporti i Mynihut

“Shumë shpejt do të çelim një aeroport të ri, dhe meqë ra fjala do të menaxhohet nga Aeroporti i Mynihut. Ka hapësirë për më shumë pasi aeroporti i kryeqytetit është i mbipopulluar tashmë. Aeroporti i ri që do hapet këtë vit është më në Jug, dhe u përgjigjet nevojave të turistëve që shkojnë drejt detit Jon. Kemi edhe një aeroport në Veri që është i vogël dhe po planifikojmë një të katërt në skajim më jugor, praktikisht përballë Korfuzit, sepse mbingopje të aeroportit të Korfuzit, dhe kemi kuptuar që ka një nevojë për një aeroport të vogël sezonal në skajin jugor. Kemi shumë kompani ajrore që kanë ardhur dhe shumë të tjera që do të vijnë. Jemi në bisedime me aviacionin federal të Amerikës, për fluturime direkte drejt SHBA-ve”.