Pas ankimimit të dy deputetëve Shkëlqim Selami dhe Dashamir Tahiri për heqjen e mandateve nga KQZ-ja, në zbatim të ligjit të dekriminalizmit, edhe kryebashkiaku i Kavajës i është drejtuar gjykatës.
Avokati i Roshit, Theodhori Sollaku, ka depozituar sot në Gjykatën Kushtetuese ankimimin lidhur me vendimin e KQZ-së për shkarkimin e Roshit nga posti i kryetarit të Bashkisë së Kavajës.
“Janë shkelur parimet kushtetuese në rastin e kryetarit të bashkisë së Kavajës. Nuk parashikojmë se çfarë do të ndodhë, do të ketë presione apo kërcënime, por shpresojmë në një vendim të drejtë”, tha Sollaku.
Në ditët e fundit të vitit 2017, Komisionin Qendor i Zgjedhjeve vendosi heqjen e mandateve për dy deputetët Selami dhe Tahiri si dhe i kërkoi Këshillit të Ministrave shkarkimin e Elvis Roshit.
Pak ditë më parë, Selami dhe Tahiri e ankimuan këtë vendim në Gjykatën Administrative.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
