Ish-kryeministri Sali Berisha i ka bërë thirrje të gjithë demokratëve të bashkohen në Kuvendin e 11 dhjetorit që pritet të mbahet këtë të shtunë në ambientet e stadiumit “Air Albania”.
Përmes një postimi në rrjetet sociale, Berisha thekson se delegatët do të kenë zonën e tyre ndërsa pjesa tjetër e stadiumit Air Albania do jetë e hapur për gjithë anëtarët dhe simpatizantët e Partisë Demokratike, të cilët dëshirojnë që të marrin pjesë në këtë moment historik.
“Ftoj të gjithë demokratët të na bashkohen në Kuvendin e Rithemelimit të Partisë Demokratike në ora 10:00 dt 11.12.2021! Delegatët do kenë zonën e tyre të ndarë, por pjesa tjetër e stadiumit Air Albania do jetë e hapur për gjithë anëtarët dhe simpatizantët e Partisë Demokratike që dëshirojnë të bëhen pjesë e këtij momentin historik! Ejani të festojmë së bashku Ditëlindjen e Partisë Demokratike dhe të nisim rrugëtimin tonë drejt Fitores”, shkruan Berisha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
