Përmbytjet në Durrës/ Prefekti: Uji është larguar nga banesat, akset janë të kalueshme

Prefekti i qarkut të Durrësit ka dhënë informacione lidhur me situatën e përmbytjeve. Bëhet me dije se është larguar uji nga 8 banesat me prezencë uji në Rajonin Nr.6.

Ndërkaq, të gjitha akset rrugore janë pa probleme dhe janë të kalueshme normalisht.

NJOFTIMI

Sektori i Planifikimit, Përballimit të Emergjencave Civile dhe Krizave

Në vijim të raportimit për situatën deri tani, nga komunikimi me strukturat përgjegjëse vendore të mbrojtjes civile, si dhe strukturat e gatishmërisë së përhershme, situata është e qetë.

Niveli në Hidrovorin e Porto-Romanos është 1m, kurse në Hidrovorin e Hamallajt është 1.2m;

Niveli i ujit në lumin Erzen dhe Ishëm ëshë ulur me rreth 2m, dhe për pasojë është tërhequr uji nga tokat bujqësore në Njësinë Administrative Bubq, Bashkia Krujë;

Pas punës me intensitet të lartë nga ana e strukturave përgjegjegjëse është larguar uji nga 8 banesat me prezencë uji në Rajonin Nr.6, qyteti Durrës;

Të gjitha akset rrugore janë pa probleme dhe janë të kalueshme normalisht;

Intensiteti i reshjeve ka qenë shumë i ulët;

Strukturat vendore janë në gatishmëri të plotë dhe monitorim çdo moment.

Mbetemi në kontakt