Titaniku mund të mos ketë goditur një ajsberg, thotë një ekspert, pasi skanimet dixhitale 3D zbuluan informacione të reja.
Parks Stephenson, i cili ka studiuar Titanikun për shumë vite, thotë se ka "një sasi në rritje të provave që Titaniku nuk ka goditur ajsbergun, siç tregohet në të gjithë filmat".
Ai shtoi: “Ajo në të vërtetë mund të jetë përplasur në pjesën e poshtme me ajsbergun.”
"Ky ishte skenari i parë i paraqitur nga një revistë londineze në vitin 1912. Ndoshta ne nuk e kemi dëgjuar ende historinë e vërtetë të Titanikut."
Është krijuar skanimi i parë dixhital 3D me madhësi të plotë të rrënojave të anijes, duke përdorur më shumë se 70,000 imazhe nga çdo kënd.
Anija është ende 12,500 metra nën sipërfaqen e Oqeanit Atlantik, 400 milje nga jugu i Kanadasë, dhe tani ekspertët do analizojnë anijen.
Parks Stephenson tha se ishte "i mahnitur" kur pa për herë të parë skanimet.
"Kjo ju lejon të shihni rrënojat pasi nuk mund ta shihni kurrë nga një zhytës, dhe ju mund ta shihni tërësinë e saj, mund ta shihni atë në perspektivë."
"Dhe ajo që po ju tregoj tani është gjendja e vërtetë e rrënojave. Ne me të vërtetë nuk e kuptojmë karakterin e përplasjes me ajsbergun.
Ne as nuk e dimë nëse ajo e goditi atë në anën e djathtë, siç tregohet në të gjithë filmat - ajo mund të jetë përplasur në pjesën e poshtme me ajsbergun."
Anija po vazhdon të kalbet, me mikrobet që po bëjnë dëmin e tyre, por Stephenson tha se skanimi do të ofronte një vështrim të përhershëm në "pyetjet themelore, që duhet të marrin përgjigje në lidhje me anijen".
Që kur anija u mbyt më shumë se një shekull më parë, mikrobet po e hanë atë dhe pjesët po shpërbëhen.
Historianët kanë frikë se koha po kalon për të kuptuar plotësisht atë që ndodhi, kështu që skanimi 3D ofron shpresë të re.
Për dekada, skuadra njerëzish u nisën për të gjetur Titanikun, por dështuan për shkak të motit të paparashikueshëm të Atlantikut të Veriut dhe thellësisë së madhe në të cilën u fundos anija.
U deshën 73 vjet që të zbulohej prehja e tij përfundimtare.
Gerhard Seiffert, nga kompania, i cili udhëhoqi planet për projektin, tha: " Thellësia e saj, pothuajse 4,000 metra , përfaqëson një sfidë, dhe ju keni rryma gjithashtu - dhe ne nuk na lejohet të prekim gjë në mënyrë që të mos dëmtojmë rrënojat.”
National Geographic Explorer-in-Residence Robert Ballard, së bashku me shkencëtarin francez Jean-Louis Michel bënë zbulimin historik më 1 shtator 1985.
Titaniku goditi një ajsberg rreth orës 23:40 me kohën lokale dhe u fundos dy orë e dyzet minuta më vonë.
Por me varkat e shpëtimit për vetëm 1,178 njerëz në një anije me kapacitet mbi 3,000, vetëm 706 pasagjerë dhe ekuipazh mbijetuan.
I mbijetuari i fundit i gjallë i Titanikut vdiq në vitin 2009 në moshën 97-vjeçare - ai ishte vetëm dy muajsh në kohën e tragjedisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
