Regjisori dhe gazetari Kastriot Çipi deklaron se Presidenti amerikan Donald Trump ka ndryshuar në qëndrim në raport me fushatën, sa i takon luftës në Ukrainë.
Duke folur për emisionin “Arnautistan” në MCN TV, Çipi bëri përgjegjës Zelenskyn për vijimin e luftës, duke thënë se po sakrifikon popullin e vetë për agjendën e elitës globaliste.
Do të donte ta mbyllte brenda 24 orëve, por duhen dy në një tango.
Mungon Zelensky, ai po tregohet një shërbëtor që po sakrifikon popullin e vetë për agjendën e elitës globaliste dhe me sa duket lufta do të vazhdojë pa përkrahjen e Amerikës.
Kjo do ta rrisë shumë koston për europianët, për jetë njerëzore dhe nëse nuk pranohet propozimi i fundit i Lavrov kam frikë se Rusia do të arrijë deri në Moldavi.
Zelensky ka thënë që nuk do lëmë pa e marrë Krimenë, Krimenë e humbur në 2014, Krimenë që nuk ka qenë kurrë e banuar nga Ukrainasit.
Protokollet e Minskut thonë të gjitha territoret kur rusët janë shumicë, kanë të drejtën e autonomisë.
Gjuha ruse duhet të jetë gjuha e dytë zyrtare e Ukrainës, të cilat Ukraina nuk i ka respektuar.
Madje Ukraina ka shkuar kundër këtij qëndrimi se ka kufizuar të drejtat e gjuhës ruse dhe i ka sulmuar këto territore ndërkohë që premtonte autonomi.
Ukraina ka miratuar ligje të reja që e kanë ngushtuar hapësirën e gjuhës ruse.
Arsyeja pse Ukraina po pushtohet është se ka bombarduar Donbasin 8 vjet rresht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
