Kremlini: Ukraina mund t'i japë fund vuajtjeve të popullit të vet, përmbushni kërkesat tona

Kievi ka çdo mundësi për të zgjidhur situatën dhe për t'i dhënë fund vuajtjeve të popullit të vet, për sa kohë që përmbush kërkesat e Moskës. 

Kështu përsëriti në një konferencë me gazetarët zëdhënësi i Kremlinit, Dmitry Peskov.

Udhëheqja ukrainase ka çdo mundësi për ta kthyer situatën në normalitet. Ajo ka çdo mundësi për të zgjidhur situatën, duke përmbushur kërkesat e Rusisë dhe, për pasojë, duke ndaluar kështu të gjitha vuajtjet e mundshme të popullatës civile. 

Eurodeputetët kanë miratuar një hua prej 18 miliardë dollarësh për të mbështetur Ukrainën. Shifra do të mbulojë rreth gjysmën e 3-4 miliardë fondeve mujore që i nevojiten Ukrainës në vitin 2023.