Zgjedhjet në Liban, kreu i Hezbollah i mbështetur nga Irani deklaron fitore

Kreu i Hezbollahut thotë se grupi militant shiit i mbështetur nga Irani dhe aleatët e saj kanë arritur "fitore" në zgjedhjet e para parlamentare të Libanit që nga viti 2009.

Megjithëse rezultatet zyrtare nuk janë shpallur, Hassan Nasrallah tha se fitimet e tyre garantuan mbrojtjen e "rezistencës" kundër Izraelit.

Kryeministri sunit Saad Hariri tha se Lëvizja për të Ardhmen, e mbështetur nga Perëndimi kishte humbur një të tretën e vendeve të saj.

Hariri pritet që të kërkojë të formojë një qeveri të re uniteti, raporton BBC.

Por analistët thanë se do të dilte një figurë më e dobët dhe do të ishte edhe më pak i aftë të ushtronte ndikim mbi Hezbollahun, siç ka ndodhur në të kaluarën.

Një sistem për ndarjen e pushtetit parashikon që kryeministri duhet të jetë një musliman suni, kryetari i parlamentit Shia dhe presidenti një kristian maroniti.

Në një fjalim televiziv një ditë pas zgjedhjeve, Hassan Nasrallah deklaroi atë që ai e quajti "fitore e madhe politike dhe morale për opsionin e rezistencës që mbron sovranitetin e vendit".

Ai nuk tha se sa vende kishte siguruar grupi dhe aleatët e tij, por tha se qëllimi i fushatës së tyre zgjedhore ishte "arritur dhe kryer".

Agjencia e lajmeve Reuters tha se një numër i bazuar në rezultatet paraprake treguan Hezbollahun dhe aleatët se kishin fituar të paktën 67 nga 128 vendet në parlament . Por numri i deputetëve të Hezbollahut ndryshoi shumë pak rreth orës 13.

Formuar si një lëvizje rezistence gjatë okupimit izraelit të Libanit në fillim të viteve 1980, Hezbollahu është sot një organizatë politike, ushtarake dhe shoqërore që zotëron fuqi të konsiderueshme në vend.

Shtetet perëndimore dhe Izraeli i kanë quajtur një grup terrorist, me të cilët filloi një luftë në vitin 2006 dhe disa nga anëtarët e saj akuzohen se fshihen pas vrasjes së të atit të Haririt, Rafik një ish-kryeministër libanez.

Hariri tha se partia e tij kishte përfunduar me 21 vende, nga 33 nëntë vjet më parë.