Vijojnë dorëheqjet nga kabineti qeveritar i Volodymyr Zelensky, ku i fundit qw ka dorëzuar një letër dorëheqjeje, sipas kryetarit të parlamentit, Ruslan Stefanchuk është Ministri i Jashtëm i Ukrainës, Dmytro Kuleba.
Stefanchuk tha se kërkesa e dorëheqjes do të diskutohej nga ligjvënësit.
Lëvizja e raportuar të mërkurën vjen në mes të një riorganizimi më të gjerë të kabinetit të Zelensky, në të cilin disa ministra kanë dhënë dorëheqjen dhe një ndihmës presidencial është shkarkuar. Ka pasur zëra për një tronditje të afërt të qeverisë prej muajsh.
Ministrat e tjerë kyç që raportohet se kanë dorëzuar dorëheqjen janë Olha Stefanishyna, zëvendëskryeministri i ngarkuar për udhëheqjen e përpjekjeve të Ukrainës për t'u bashkuar me Bashkimin Evropian dhe Oleksandr Kamyshin, ministri për industritë strategjike, i cili mbikëqyr prodhimin dhe zhvillimin e armëve. Disa nga ata që japin dorëheqjen mund të përfundojnë me poste të tjera në qeveri.
Zelenskiy tha në një fjalim të së martës në mbrëmje se do të bëhen ndryshime për të forcuar qeverinë.
Vjeshta do të jetë jashtëzakonisht e rëndësishme për Ukrainën. Dhe institucionet tona shtetërore duhet të krijohen në mënyrë që Ukraina të arrijë të gjitha rezultatet që na duhen… Ne duhet të forcojmë disa fusha në qeveri dhe vendimet e personelit janë përgatitur.
David Arakhamia, kreu i fraksionit parlamentar të Partisë Shërbëtor i Popullit në pushtet, tha të martën se: "Siç u premtua, një rivendosje e madhe e qeverisë mund të pritet këtë javë. Më shumë se 50% e stafit të kabinetit të ministrave do të ndryshohet. Nesër do të kemi ditë shkarkimesh dhe pasnesër ditë emërimesh”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
